Forrige

Neste

Meir alvor

Øvre Ulstad. Fjellanger Widerøebilde fra Steinkjer bibliotek

Alvoret kom meir fram etter at store røykskyer med skin av raudt steig fram bak Bratbergsåsen. Det var første bombedagen i Steinkjer. Kort tid etter flytta soldatane til Øvre Ulstad. Og etter ei tid drog dei vekk, i første omgang sørover for å møte tyske styrkar, som rykka fram etter landsettinga ved Røra. Engelske soldatar som var stasjonert på Østvik og Kvarving drog truleg bort noko seinare.
Det tok ikkje mange dagar før vi fekk sjå engelske troppar på retrett. Ein større engelsk styrke kom over Jådåren frå Rostad, truleg etter å ha trekt seg tilbake frå ei trefning med tyskarane ved Mære og Vist. Det var slitne soldatar etter ein lang marsj, som kom og tok matpause på Rostad.
Roseni Sandstad vart henta som tolk, og troppen marsjerte ned Yttervikbakkane og nordover. Ola Vanebo vart leigd med hest og slede for å frakte utstyr og noen slitne soldatar. Noko utstyr vart og slengt igjen. Det var enda snø på marka på kantane av riksvegen.